Respublikainfo.com xəbər saytı olaraq ölkədə və dünyada baş verən mühüm xəbərləri obyektiv şəkildə yayımlamaqla yanaşı vətəndaş şikayətlərini də media vasitəsilə işıqlandırırıq. Növbəti şikayət isə Xaçmaz rayonunun Fərzəlioba və İdrisoba kənd sakinləri tərəfindəndir.
Bildirmək istərdik ki, sözügedən kəndlərin sakinləri Respublikainfo.com Media Qrupuna rəsmi olaraq vətəndaş şikayəti ilə müraciət ediblər.
Eyni zamanda da Fərzəlioba və İdrisoba kəndlərinin bir qrup sakini Azərbaycan Respublikası Prezidentinin köməkçisi Zeynal Nağdəliyevə və Xaçmaz Rayon İcra Hakimiyyətinin başçısı Elnur Rzayevə media vasitəsilə açıq müraciət ünvanlayıb.
Həmin müraciəti sizə təqdim edirik:
Azərbaycan respublikası Xaçmaz rayon Fərzəlioba İdrisoba kənd sakinləri adından Azərbaycan Respublikası Prezidentinin köməkçisi Zeynal Nağdəliyevə və Xaçmaz Rayon İcra Hakimiyyətiniin başçısı Elnur Rzayevə
AÇIQ MÜRACİƏT
Hörmətli Zeynal müəllim və hörmətli Elnur müəllim! Yazıb sizdən xahiş edirik ki, müraciətimizi xüsusi nəzarətinizə götürəsiniz!
Bildirmək istəyirik ki, Xaçmaz rayon Fərzəlioba və İdrisoba kəndlərində infrastruktur və kommunikasiya xətləri demək olar ki, yox səviyyəsindədir. Xudat şəhəri ilə birləşən 3 km yol bərbad vəziyyətdədir.
Yaşadığımız ərazidə nə uşaq bağçası nə də qaz xətti yoxdur. Əhali evini qızdırmaq üçün odundan istifadə etməli olur. Odunu da çətinliklə əldə edirik. Kəndimizdə ümumiyyətlə marşurut xətti də yoxdur. Uşaqlarımız məktəbin 10 və 11 -ci siniflərində təhsil almaq üçün Xudat şəhərinə getməkdə çətinlik çəkirlər.
Buradakı işıq dirəkləri 1961 -ci ildə istifadəyə verilib. İşıq dirəkləri də qəzalı vəziyyətdədir. Ümumiyyətlə tez -tez işıqsız qalırıq. Bütün bu çatışmazlıqlar və problemlərlə bağlı icra hakimiyyətinin məsul şəxslərinə dəfələrlə müraciət etmişik. Səyyar görüşlərdə bu haqda məlumat vermişik. Hər dəfə də bizə problemlərin həlli ilə bağlı vədlər verilsə də lakin verilən vədlərə əməl olunmayıb. Bütün müraciətlərimiz nəticəsiz qalıb.
Sizdən xahiş edirik ki, sadalanan problemlərimizin tezliklə həllini tapmasında bizə köməklik göstərəsiniz! Ümidvarıq ki, bu müraciətimizi nəzarətinizə götürəcəksiniz! Nəticədə isə biz kənd sakinlərinin də bu problemləri birdəfəlik öz həllini tapacaq.
Hörmətlə: Fərzəlioba və İdrisoba kənd sakinləri…
Müraciəti yazan kənd sakini: Bayramova Ülkər Xantəmir qızı
Əlaqə nömrəsi: 055 702 75 20
Yeri gəlmişkən həmin kəndlərin sakinləri 2 il əvvəl də media vasitəsilə kəndin problemləri ilə bağlı aidiyyatı dövlət qurumlarından kömək istəmişdi. Həmin videonu da təqdim edirik:
Mövzunu diqqətdə saxlayacağıq…
Media haqqında qanuna uyğun olaraq qarşı tərəfin də mövqeyini dərc etməyə hazırıq…
Baş redaktor: Bünyamin Bünyadzadə Respublikainfo.com
