Hələ 2013 – cü ildə Baş Prokurorluğun mətbuat xidmətindən verilən məlumata görə, insan orqanlarının qanunsuz köçürülməsində təqsirləndirilən Tibb Mərkəzinin direktoru barəsində cinayət işi baxılması üçün məhkəməyə göndərilib.
Prokurorluğun rəsmi məlumatında bildirilmişdi ki, insan orqanlarının qanunsuz transplantasiyası ilə əlaqədar Ukraynanın hüquq mühafizə orqanlarından daxil olmuş hüquqi yardım göstərilməsi haqqında müraciət əsasında Azərbaycan Beynəlxalq Universitetinin nəzdində fəaliyyət göstərmiş Tibb Mərkəzinin vəzifəli şəxsləri tərəfindən vəzifə səlahiyyətlərindən sui-istifadə edilərək donorlardan qanunsuz olaraq böyrəklərinin götürülüb əcnəbi vətəndaşlar olan resipiyentlərə köçürülməsi faktları ilə bağlı Baş Prokurorluğun Ağır cinayətlərə dair işlər üzrə istintaq idarəsində Cinayət Məcəlləsinin 308.2-ci (vəzifə səlahiyyətlərdən sui-istifadə) maddəsi ilə başlanmış cinayət işinin istintaqı yekunlaşıb.
Universitetinin rektoru Elşad Abdullayevin, tabeçiliyində olan Tibb Mərkəzinin baş həkimi Dilarə İsmayılovaya həmin tibb müəssisəsinə insan orqan və ya toxumalarının transplantasiyası ilə bağlı cərrahiyyə əməliyyatlarının keçirilməsinə dair xüsusi razılıq (lisenziya) verilmədiyi halda qanunsuz göstəriş verməklə İsrail vətəndaşları Boris Volfman, Yuri Katsman və digərləri ilə əlbir olub cinayət əlaqəsinə girərək “İnsan orqan və (və ya) toxumalarının transplantasiyası haqqında” Azərbaycan Respublikası Qanununun tələblərini kobud surətdə pozaraq, 2009-cu ilin mart-dekabr aylarında Ukraynadan Azərbaycan Respublikasına gətirilmiş təqsirkar şəxslərdən maddi cəhətdən asılı olan donorlardan qanunsuz olaraq böyrəklərinin götürülüb 11 nəfər İsrail, 1 nəfər Fransa və 1 nəfər ABŞ vətəndaşları olan resipiyentlərə köçürülməsi ilə bağlı 13 cərrahiyyə əməliyyatlarının keçirilməsinə şərait yaratması, həmçinin Dilarə İsmayılovanın hər bir əməliyyata görə heç bir sənədləşdirmə aparmadan nağd qaydada ümumilikdə 130.0 min ABŞ dolları məbləğində pulu alaraq mərkəzin kassasına mədaxil etmədən Elşad Abdullayevə verməklə dövlətin qanunla qorunan mənafelərinə ağır nəticələrə səbəb olan zərər vurmasında şübhələnmək üçün əsaslar olduğundan cinayət işi üzrə Elşad Abdullayev və Dilarə İsmayılova Cinayət Məcəlləsinin 137.3 (insan orqanların və ya toxumalarının alqı-satqısı) və 308.2-ci (vəzifə səlahiyyətlərdən sui-istifadə) maddələri ilə təqsirləndirilən şəxs qismində cəlb ediliblət.
Həmin cinayət işinin materiallarından Dilarə İsmayılova barəsində Cinayət Məcəlləsinin 137.3 və 308.2-ci maddələri ilə cinayət işi ayrılmaqla istintaqı tamamlanaraq 26 avqust 2013-cü il tarixdə baxılması üçün Bakı Ağır Cinayətlər Məhkəməsinə göndərilib.
Elşad Abdullayev istintaqdan qaçıb xarici dövlətdə gizləndiyi üçün barəsində Nəsimi rayon məhkəməsinin qərarı ilə həbs qətimkan tədbiri seçilərək axtarış elan olunmaqla tutulması istiqamətində beynəlxalq axtarış tədbirləri həyata keçirilir.
QEYD EDƏK Kİ, XEYLİ MÜDDƏT KEÇMƏSİNƏ BAXMAYARAQ ELŞAD ABDULLAYEV HƏLƏ DƏ HƏBS EDİLMƏYİB. YERİGƏLMİŞKƏN ELŞAD ABDULLAYEV HƏMÇİNİN KÜLLİ MİQDARDA MALİYYƏ CİNAYƏTLƏRİ TÖRƏTMƏKLƏ YANAŞI YÜZLƏRLƏ TƏLƏBƏNİN TALEYİNƏ QARA LƏKƏ VURUB. BUNUNLA BELƏ HAZIRDA AVROPADA OLMASINA BAXMAYARAQ AZƏRBAYCAN DÖVLƏTİNƏ QARŞI QARAYAXMA KOMPANİYASINA MALİYYƏ DƏSTƏYİ VERMƏKDƏDİR.
ÜMİD EDİRİK Kİ, DİGƏR SÖYÜŞ MÜXALİFƏTÇİLƏRİ KİMİ İQTİSADİ CİNAYƏTKAR OLAN ELŞAD ABDULLAYEV HAQQINDA DA AZƏRBAYCAN RESPUBLİKASININ BAŞ PROKURORLUĞU TƏRƏFİNDƏN ZƏRURİ ADDIMLAR ATILACAQDIR. NƏTİCƏ ETİBARİLƏ ELŞAD ABDULLAYEV AZƏRBAYCANA EKSTRADİSİYA EDİLƏRƏK HƏBS OLUNACAQDIR.
MÖVZUNU DİQQƏTDƏ SAXLAYACAĞIQ….
