Fortepiano simli-klavişli musiqi alətidir. Burada klavişlər müvafiq simə toxunanda kiçik çəkic hərəkətə gəlir. Belə musiqi alətləri barədə ilk məlumat Qədim Yunanıstana aiddir.
1711-ci ildə İtaliyanın Paduye şəhərində klavesin ustası Bartolomeo Kristofori tamamilə yeni musiqi aləti ixtira etdi. Bu musiqi alətindən səs başlıqlarına möhkəm materialdan üzlük çəkilmiş kiçik taxta çəkiclərin köməyi ilə çıxırdı. Artıq klavesinin əsas qüsuru aradan qaldırılmışdı: ifaçı ucadan və astadan çala bilirdi. Buna görə də həmin musiqi alətinə fortepiano (forte – uca, piano –asta) adı verildi.
BİR ÇOX DÜNYA ÖLKƏLƏRİNDƏ OLDUĞU KİMİ ÖLKƏMİZDƏ DƏ ZAMAN – ZAMAN İSTEDADLI VƏ PEŞƏKAR MUSİQİ ADAMLARI OLUB VƏ İNDİ DƏ HƏMİN ŞƏXSLƏR AZƏRBAYCAN MƏDƏNİYYƏTİNİ LAYİQİNCƏ TƏMSİL EDİRLƏR. BELƏ PEŞƏKAR MUSİQİÇİLƏRDƏN BİRİ DƏ TAMİRA ŞAHBAZLIDIR.
Tamira Şahbazlı Gəncə şəhərində anadan olub. Orta məktəbi bitirdikdən sonra Bülbül adına Orta ixtisas musiqi məktəbini daha sonra isə Bakı Musiqi Akademiyasını ali təhsilini uğurla başa çatdırıb. Azərbaycan Mədəniyyət və İncəsənət Universitetinin magistr pilləsinin məzunu olan Tamira Şahbazlı hazırda Gəncə şəhərində musiqi məktəblərinin birində ixtisası üzrə müəllim olaraq fəaliyyət göstərir.
Tamira Şahbazlı 2018 – ci ildə Akademik Zərifə Əliyevanın 95 illik yubleyinə həsr olunmuş beynəlxalq müsabiqənin iştirakçı olub. Daha sonra 22 dekabr 2022 – ci ildə Fikrət Əmirov adına Gəncə Dövlət Filarmoniyasında Azərbaycan və Avropa bəstəkarlarının əsərlərinin səsləndirildiyi “Alzamento” adlı konsertdə də iştirakçı qismində fortepianoda musiqi əsərləri ifa edib.
Həmçinin Tamira xanım 26 dekabr 2023 – cü ildə Gəncədə Mir Cəlal Paşayev ev muzeyində “Espressivo” adlı solo konsertlə musiqisevərlərin qarşısında çıxış edib.
Respublikainfo.com Media Qrupu olaraq
Tamira Şahbazlıya, musiqi fəaliyyətində gələcəkdə daha böyük uğurlar arzu edirik.
Baş redaktor: Bünyamin Çingizoğlu
Respublikainfo.com
SONDA TAMİRA ŞAHBAZLININ İFASINDA BİR VİDEOÇARXI SİZƏ TƏQDİM EDİRİK:
