Respublikainfo.com xəbər saytı olaraq ölkədə və dünyada baş verən mühüm xəbərləri obyektiv şəkildə yayımlamaqla yanaşı vətəndaş şikayətlərini də media vasitəsilə işıqlandırırıq. Növbəti şikayət isə Xaçmaz rayonunun Fərzəlioba və İdrisoba kənd sakinləri tərəfindəndir.
Bildirmək istərdik ki, sözügedən kəndlərin sakinləri Respublikainfo.com Media Qrupuna rəsmi olaraq vətəndaş şikayəti ilə müraciət ediblər.
Həmçinin XAÇMAZ RAYONUNUN Fərzəlioba və İdrisoba kəndlərinin bir qrup sakini Azəriqaz İstehsalat Birliyinin Baş Direktoru Məmmədov Azər Vəli oğluna media vasitəsilə açıq müraciət də ünvanlayıblar…
Həmin müraciəti sizə təqdim edirik:
Xaçmaz rayon Fərzəlioba İdrisoba kənd sakinləri adından Azəriqaz İstehsalat Birliyinin Baş Direktoru Məmmədov Azər Vəli oğluna
AÇIQ MÜRACİƏT
Hörmətli Azər müəllim! Yazıb sizdən xahiş edirik ki, müraciətimizi xüsusi nəzarətinizə götürəsiniz!
Bildirmək istəyirik ki, Xaçmaz rayon Fərzəlioba və İdrisoba kəndlərində infrastruktur və kommunikasiya xətləri demək olar ki, yox səviyyəsindədir. Xüsusilə ilə qaz təchizatı olmadığı üçün 200 dən çox təsərrüfat və 2 kənd əhalisi olduqca çətinlik çəkir.
Yaşadığımız ərazidə ümumiyyətlə qaz xətti yoxdur. Əhali evini qızdırmaq üçün odundan istifadə etməli olur. Odunu da çətinliklə əldə edirik.
Azəriqaz İstehsalat Birliyinin Baş Direktoru kimi sizə böyük inamla və ümidvarıqla etdiyimiz bu müraciətimizin tərəfinizdən müsbət dəyərləndiriləcəyinə inanırıq.
Sizdən xahiş edirik ki, kəndlərimizin qaz probleminin tezliklə həllini tapmasında bizə köməklik göstərəsiniz! Ümidvarıq ki, bu müraciətimizi nəzarətinizə götürəcəksiniz! Nəticədə isə biz kənd sakinlərinin də bu problemləri birdəfəlik öz həllini tapacaq.
Hörmətlə: Fərzəlioba və İdrisoba kənd sakinləri…
Müraciəti yazan kənd sakini: Bayramova Ülkər Xantəmir qızı
Əlaqə nömrəsi: 055 702 75 20
Yeri gəlmişkən həmin kəndlərin sakinləri 2 il əvvəl də media vasitəsilə kəndin problemləri ilə bağlı aidiyyatı dövlət qurumlarından kömək istəmişdi. Həmin videonu eyni zamanda sakinlər tərəfindən çəkilən və redaksiyamıza göndərilən videonu da sizə təqdim edirik:
Yeri gəlmişkən həmin kəndlərin sakinləri 2 il əvvəl də media vasitəsilə kəndin problemləri ilə bağlı aidiyyatı dövlət qurumlarından kömək istəmişdi. Həmin videonu da təqdim edirik:
Mövzunu diqqətdə saxlayacağıq…
Media haqqında qanuna uyğun olaraq qarşı tərəfin də mövqeyini dərc etməyə hazırıq…
Baş redaktor: Bünyamin Bünyadzadə Respublikainfo.com
