4 iyun 2024-cü il tarixdə Goranboy şəhər 1 nömrəli tam orta məktəbin akt zalında 2 hissədən ibarət görüş keçirilib.
Respublikainfo.com xəbər verir ki, Mubarizciler.az-ın məlumatına görə, birinci hissədə təhsil verənlərin etik davranış qaydaları və qaydalara edilən dəyişikliklərlə bağlı görüşdə iştirak edən ümumi təhsil müəssisələrinin direktorlarına, təlim-tərbiyə işləri üzrə direktor müavinlərinə və pedoqoji heyətə ətraflı məlumat verildi.
Görüşün ikinci hissəsində isə Goranboy-Naftalan rayonları üzrə təhsil sektorunun tabeliyində fəaliyyət göstərən ümumi təhsil müəssisələrinin direktorları, müavinləri və lX buraxılış siniflərində Tədris dili, riyaziyyat, xarici dil fənnini tədris edən müəllimlərin iştirakı ilə tədris ilinin yekunları müzakirə edildi.
Goranboy-Naftalan rayonları üzrə təhsil sektorunun tabeliyində fəaliyyət göstərən ümumi təhsil müəssisələri üzrə buraxılış imtahanlarının nəticələrinə əsasən lX siniflər üzrə ümumi orta bal növbəti il ilə müqayisədə artaraq 98 bal olmuşdur.
Görüşün sonunda çalışmanın yaş həddinə çatmış Goranboy şəhər 1 nömrəli tam orta məktəbin sabiq direktoru Səidə Məmmədova xidməti illər ərzində səmərəli fəaliyyətinə görə Təşəkkürnamə ilə təltif edildi.
