Goranboy Rayon İcra Hakimiyyəti yanında yaradılmış İctimai Nəzarət şurasının üzvü, İctimai-siyasi fəal Elçin Tağıyevin təşəbbüsü ilə əslən Kəlbəcər rayonundan olub Goranboy rayonununda məskunlaşmış Azərbaycan Silahlı Qüvvələrinin zabiti, Vətən müharibəsi şəhidi Mayor Azər Əmrah oğlu Mikayılovun valideyinləri ziyarət edilib.
Respublikainfo.com xəbər verir ki, Şəhid ailəsinin ziyarətində 1-ci Qarabağ Müharibəsi veteranı, ziyalı, Goranboy rayon Eyvazlılar kənd ümumi orta məktəbin direktoru Göyüş Nağıyev iştrak edib.
Şəhid atası Əmrah Mikayılov övladının şərəfli xidmət yolundan söhbət açaraq onun körpəlikdən Vətənə, torpağa bağlılığından danışaraq xatirələrini bölüşdü.
Şəhid ailəsi ilə görüşdə Göyüş Nağıyev 44 günlük Vətən müharibəsində tarix yazan igid oğullarımızın döyüş meydanındakı igidliyindən söhbət açaraq bu qələbəni bizlərə yaşadan, 200 illik Azərbaycan tarixində adını öz imzası ilə tarixə əbədi yazan Müzəffər Ali Baş Komandan İlham Əliyev cənablarına təşəkkürünü bildirərək Şəhidlərimizə uca Allahdan rəhmət ailələrinə səbir diləmişdir.
Elçin Tağıyev Şəhid ailəsinə qəhrəman Goranboylular adından dərin hüzünlə başsağlığı verib.
Görüş zamanı Elçin Tağıyev tarixi qələbəmizdə şəhidlərimizin rolundan bəhs edilərək, Prezident İlham Əliyevin şəhid ailələri və qazilərə xüsusi diqqətindən danışıb.
Şəhidin ailə üzvləri Prezident İlham zəliyevə Birinci vitse-prezident Mehriban xanım Əliyevaya hər zaman diqqət, yüksək qayğısı ilə əhatələndiklərini, dövlət tərəfindən bu gün şəhid ailələrinə verilən qiymətin yetişməkdə olan gənc nəslin vətənpərvərlik tərbiyəsində bir nümunə olduğunu qeyd edərək öz minnətdarlıqlarını bildirmişdirlər.
Bununla yanaşı daim onlara diqqət göstərən Kəlbəcər Rayon İcra Hakimiyyətinin başçısı hörmətli Azər Qocayevədə təşəkkürlərini ifadə ediblər.
Elçin Tağıyev öz adət ənənəsinə sadiq qalaraq Şəhid ailəsinə Şəhidimizin şəkli əks olunmuş “8 noyabr Zəfər Günü Xarı Bülbülün Xatirə Tablos” nu təqdim etdi.
Azər Mikayılov 1980-ci il avqustun 1-də Kəlbəcər rayonunun Quzeyçirgin kəndində anadan olub.
Azərbaycan Ordusunun mayoru Azər Mikayılov 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi üçün başlanan Vətən müharibəsi zamanı Cəbralıyın azadlığı uğrunda gedən döyüşlərdə savaşıb. Azər Mikayılov oktyabrın 12-də Cəbrayıl döyüşləri zamanı şəhid olub.
Yevlax Şəhər Şəhidlər Xiyabanında torpağa tapşırılıb.
Ailəlidir iki övladı yadigar qalıb. Azərbaycanın ərazi bütövlüyünün bərpa edilməsində xüsusi xidmətlərinə və işğal olunmuş ərazilərin azad olunması zamanı düşmənin məhv edilməsi üzrə qarşıya qoyulmuş döyüş tapşırığını yerinə yetirən zaman göstərdiyi qəhrəmanlıq nümunəsinə görə, həmçinin hərbi qulluq vəzifəsini yerinə yetirən zamanı igidliyin və mərdliyin nümayiş etdirilməsinə görə Azərbaycan Prezidenti İlham Əliyevin 09.12.2020-ci il tarixli Sərəncamına əsasən Azər Mikayılov “Qarabağ” ordeni ilə təltif edildi.
Azər Mikayılov ölümündən sonra “Vətən uğrunda” və “Füzulinin azad olunmasına görə” medalları ilə təltif edilib. Allah cəmi şəhidlərimizə rəhmət eləsin.
