2024-cı ilin martında 22 ölkənin iştirakı ilə keçiriləcək yarışlardan birinin Azərbaycanda təşkili ilə bağlı Turizm Agentliyi ilə Qış Alpinizmi Beynəlxalq federasiyası arasında razılıq əldə edilib.
Bu barədə jurnalistlərə “Şahdağ” Turizm Mərkəzi QSC-nin sədri Rüstəm Nəcəfov məlumat verib. Onun sözlərinə görə, yarışların keçirilməsi məqsədilə Şahdağda xizək alpinizmi komandası yaradılıb. Komandaya ətraf regionlardan, əsasən Quba və Qusar rayonlarından gənclər və uşaqlar cəlb edilib.Onların 2026-cı il olimpiya yarışlarında iştirakına lisenziya qazana bilmələri üçün bütün imkanlar yaradılıb. Bunun üçün Fransadan mütəxəssislər, təlimçilər dəvət olunub. Xizəkçilər Andorra və digər Avropa ölkələrinə təlim-məşqlərə də göndərilirlər.
RESPUBLİKAİNFO.COM
BAŞ REDAKTOR: BÜNYAMİN BÜNYADZADƏ
