Respublikainfo.com xəbər verir ki,
Gəncə Şəhər İcra Hakimiyyətinin başçısı Niyazi Bayramov Vətən müharibəsi iştirakçısı Aslan Zeynalovu səhhətində yaranan problemlə əlaqədar olaraq xəstəxanada ziyarət edib. Görüşdə YAP Gəncə şəhər təşkilatının sədri Bayram Aslanov, Kəpəz Bələdiyyəsinin sədri Yaşar Abdullayev, “Gəncə Şəhər Birləşmiş Xəstəxanası” PHŞ-nin direktoru İlkin İsmayılov və Gəncə Şəhər İcra Hakimiyyəti başçısı Aparatının məsul əməkdaşları iştirak ediblər.
Niyazi Bayramov Aslan Zeynalovun səhhəti və müalicəsi ilə maraqlanıb, bununla bağlı aidiyyəti üzrə tapşırıqlar verib. Aslan Zeynalov göstərilən diqqət və qayğıya görə Prezident İlham Əliyevə və Birinci vitse-prezident Mehriban xanım Əliyevaya öz təşəkkürünü bildirib.
Qeyd edək ki, Zeynalov Aslan Yevgeniyeviç 2020-ci ildə könüllü olaraq Vətən müharibəsində iştirak edib. Murovdağ istiqamətində gedən döyüşlərdə ağır yaralanıb. II dərəcəli Vətən müharibəsi əlilidir. Atası Zeynalov Yevgeni Xanlar oğlu I Qarabağ müharibəsində şəhid olub.
