3 dekabr 2024-cü il tarixində “Millionaire Concept Network” tərəfindən təşkil edilən nüfuzlu “Millionaire Awards” tədbirində “Estetik Kosmetologiya Mütəxəssisləri” İctimai Birliyinin (EKMİB) İdarə Heyətinin sədri dr.Rəna Soltanova və üzvləri dr.Fidan Mustafayeva, dr.Nigar Rufat estetik kosmetologiya sahəsində fərqlənərək “İlin uğurlu səhiyyə işçisi” mükafatına layiq görülüblər.
Respublikainfo.com xəbər verir ki, bu mükafat təkcə fərdi nailiyyətləri deyil, həm də estetik kosmetologiyanın cəmiyyətimizdəki vacibliyini vurğulayır.
Qeyd edək ki, Estetik Kosmetologiya Mütəxəssisləri İctimai Birliyi Azərbaycanda bu sahənin inkişafına böyük töhfələr verərək sektorda əhəmiyyətli nailiyyətlər əldə edib. Rəna Soltanova, Fidan Mustafayeva və Nigar Rufat Azərbaycanda kosmetologiya sahəsini bir nümunə olaraq həm yerli, həm də beynəlxalq səviyyədə daha geniş auditoriyaya təqdim edirlər.
Dr.Rəna Soltanova, dr.Fidan Mustafayeva və dr.Nigar Rufat estetik kosmetologiya sahəsində göstərdikləri yüksək peşəkarlıq, innovativ yanaşmalar və müştəri məmnuniyyətini təmin edən keyfiyyətli xidmətləri ilə bu mükafata layiq görülüblər.
Gecədə bir çox yerli və xarici sahibkarlar, biznes liderləri və sənaye nümayəndələri iştirak edib. Tanınmış estetik həkim kosmetoloqlar mükafatı birgə əməkdaşlıq və peşəkarlığın nəticəsi kimi qəbul ediblər. Onlar bu mükafatın həm şəxsi, həm də kollektiv inkişaf üçün böyük bir motivasiya olduğunu qeyd ediblər.
QEYD EDƏK Kİ, Millionaire Concept Network” şirkətininin təsisçisi Aqil Məmiyevdir.
Baş redaktor: Bünyamin Bünyadzadə Respublikainfo.com
