Ermənistan, Rusiya münasibatiləri gərgindir, hətta Ermənistanin Rusiyanı öz bəzi strateji obyektlərindən çıxartmaq cəhətləri də var, bu cəhətlərin nəticəsi də məlumdur. Yəni Qərbə meyillənməkdir.
Mən düşünürəm ki, indiki halda burda Rusiya Zəngəzur dəhlizinin açılmasını istəyir, çünki bu əslində bir növ sanksiyalar anlamına gəlir və bundan həmdə bir növ dünyaya çıxışı məhz Cənubi Qafqaz üzərindən keçməklə Zəngəzur üzərindən hayata keçirmək istiyər. Yəni o, Rusiya üçün bir məqsəd bir istək ola bilər. Amma Ermənistanı burda başqa istiqamətə yönəldirlər.
O da nədir ? başqa istiqamət, Ermənistana faktiki olaraq Qərbdən olunan təzyiqin
arxasında duran əsas səbəb Zəngəzur dəhlizi üzərində Rusiyanın hegemonluğunu aradan qaldırmaqdır. Yəni o hegemonluguna imkan verməməkdir.
Ermənistan da bunu bilir, Rusiyada bunu bilir, Qərb də bilir ki, açılsa Rusiya müəyyən mənada bu geostrateji ahəmiyyətli böyük olan məsələdə Avropayla rəqabətə ciddi yanaşacaq. Bunların hamısı önəmlidi.
Buna görə də mən düşünürəm ki, indiki məqamda Ermənistan Rusiya gərginliyi Zəngəzurdan çox Ermənistanın öz üzərində olan məsələdir. Yəni zatən aydın məsələdir ki, Ermənistana nəzarət funksiyasını həyata keçirən güc Zəngəzura da nəzarəti həyata keçirə bilir.
Ona görədə bu əslində Ermənistan Rusiya deyil daha çox qərb Rusiya qarşıdurması və yaxud da ki gərginliyi kimi nəzərə çarpa bilər.
Məncə bu proses qarşıdakı zamanda hələ ağır, sancılı bir dövrünü keçirəcək.
Zəngəzur dəhlizi açılmağa açılacaq amma onun üzərində Rusiya Ermənistan tərəfdən nəzarat funksiyasınımı həyata keçirəcək yoxsa qərbmi keçirəcək? O məsələ yaxın günlərdə Ermənistan daxilində baş verə
biləcək proseslərdən sonra məlum olacaq.
Axundova Mətanət
Azərbaycan Universiteti
Baş redaktor: Bünyamin Bünyadzadə
Respublikainfo.com
