Respublikainfo.com xəbər verir ki, “Qaçan Atlar Production”-ın ərsəyə gətirdiyi “Dünyada Bir Gün” qısa filmlər layihəsi çərçivəsində Hacı Şahin Həsənli ilə bağlı film təqdimatı keçirilib. Filmin ssenari müəllifi və rejissoru Natiq Axunddur.
22 may 2024 – cü il saat 19:00 – da Azərbaycan Kinoteatrında “Bir gecənin içində” (ikinci əsas adı “Bir gecəyə dönüş.”) filmi nümayiş etdirilib. İstehsalçı şirkət, “Qaçan Atlar Production.” Ssenari müəllifi və Rejissoru Natiq Axund olan bu yeni film “Dünyada Bir Gün” qısa filmlər layihəsinə aiddir.
Bildiyimiz kimi illərdir “Qaçan Atlar Production” -ın istehsal etdiyi filmlər insanların mənəvi saflığına xidmət edir. Layihənin ərsəyə gətirdiyi ibrətli filmlər, sosial şəbəkələrdə yüksək sayda izləyici qazanmış, hər biri alt yazı ilə ingilis dilinə tərcümə olunmaqla sosial şəbəkələr vasitəsilə dünyanın bir çox ölkələrində diqqət və marağa səbəb olmuşdur.
Bu dəfəki silsilənin öncəki filmlərdən fərqi…
Yenə də real həyat hadisəsinə söykənən bu film, həm xronometrajina görə (30 dəq.den artıq.) həm çəkiliş günlərinin sayına görə, həm filmə məxsusi Bəstəkar musiqilərinin yazıldığı üçün, həmçinin daha böyük kollektivlə ərsəyə gəldiyindən ötrü və ən əsas da bizim hər birimizin sevgisini qazanmış, dəyərli şəxsiyyət Hacı Şahin Həsənlidən bəhs edir və s. və i.
Azərbaycan kinoteatrında keçirilən təqdimat gecəsində ölkənin tanınmış şəxsləri, ictimai və siyasi xadimlər, incəsənət nümayəndələri iştirak etmişdir.
Filmin mövzusu…
Hacı Şahin Həsənlinin ziyarətinə gedən gəncləri yoldan bir cahil taksi sürücüsü götürür. Yol boyu baş verən təzadlı fikirlər, fərqli düşüncələr… həyəcan dolu anlara, gözlənilməz nəticələrə səbəb olur…
Filmin ideyası..
Günahkar bəndələrin hidayətinə vəsilə olması, Hacı Şahin Həsənlinin xidmətinin əsasını təşkil edir.
Filmin digər kamera arxası komanda heyətindən bir neçə şəxsin adını qeyd edirik..
Bəstəkar – Rasim Süleymanlı
Baş operator – Soltan Abdullayev
Ses – Sergey Netrinenko
Montaj – Arif Əliyev
Rəng-korreksiya – Etka Kızıltepe
Qrim – Vüsalə Mustafayeva
Dron və fokus Puller – Tərlan Haqverdiyev
Rejissor assisteni – İbrahim İslam.
Tərcümə – Namiq Bağırlı
Redaktor – Pərviz Məmmədov
İcraçı Prodüsser – Taleh Həsənov
Prodüsser – Natiq Axund
Baş redaktor: Bünyamin Bünyadzadə Respublikainfo.com
