Respublikainfo.com xəbər verir ki, Lokal Antiterror tədbirləri zamanı düşmən təxribatının qarşısını alarkən qəhrəmancasına Şəhid olmuş Azərbaycan Silahlı Qüvvələrinin əsgəri Goranboy rayon Qızılhacılı qəsəbə sakini Hüseyn Əfqan oğlu Nəsibovun valideynləri İctimai-siyasi fəal, Goranboy rayon İcra Hakimiyyəti yanında yaradılmış İctimai Nəzarət şurasının üzvü Elçin Tağıyev tərəfindən ziyarət edilib.
Ziyarətdə qəsəbə sakini, 1 ci Qarabağ müharibəsi şəhidi Mehman Nazarovun qardaşı Elman Nazarov iştrak edib.
Şəhid atası Əfqan Hüseynov övladının keçdiyi şərəfli döyüş yolundan söhbət açaraq əziz Şəhidlərimizin haqqındaxoş təəssüratlarını bölüşdü.
Şəhid atası onlara göstərilən diqqət və qayğıya görə ölkə Prezidenti cənab İlham Əliyevə və Birinci vitse-prezident xanım Mehriban Əliyevaya sonsuz minnətdarlığını bildirdi. Eyni zamanda daim bütün Şəhid ailələrini diqqət mərkəzində saxlayaraq qayğıları ilə maraqlanan Goranboy Rayon İcra Hakimiyyətinin başçıları hörmətli Məhərrəm Quliyevədə öz təşəkkürünü ifadə etdi.
Sonda Elçin Tağıyev tərfindən Şəhid Hüseyn Nəsibovun Ev Muzeyinə t
Şəhidimizin şəkli əks olunmuş ” Şəhid Xatirə Tablosu” təqdim edilib.
Allah bütün Şəhidlərimizə rəhmət eləsin.
Nəsibov Hüseyn Əfqan oğlu 07 noyabr 2004 -cü ildə Goranboy rayonu Qızılhacılı qəsəbəsində anadan olmuşdur. Orta təhsilini Mahir Dosiyev adına 2 saylı Qızılhacılı qəsəbə məktəbində almışdır.
Azərbaycan Silahlı Qüvvələrinin hərbi qulluqçusu olan Nəsibov Hüseyn Əfqan oğlu Azərbaycan Respublikasının Silahlı Qüvvələri tərəfindən 19 sentyabr 2023-cü il tarixində həyata keçirilmiş uğurlu lokal antiterror tədbirləri zamanı Xankəndi rayonu istiqamətində gedən döyüşlərdə şəhid olmuşdur.
Azərbaycan Respublikasının ərazi bütövlüyünün təmin olunmasında yüksək peşəkarlıq, şücaət və mərdlik göstərmiş, öz xidməti vəzifələrini və hərbi hissə qarşısında qoyulmuş tapşırıqları yerinə yetirərkən fərqlənmiş Azərbaycan Respublikası Silahlı Qüvvələrinin hərbi qulluqçusu Nəsibov Hüseyn Əfqan oğlu Azərbaycan Respublikasının prezidenti İlham Əliyevin sərəncamına əsasən “Vətən uğrunda” medalı və 3-cü dərəcəli “Vətənə xidmətə görə” ordeni ilə təltif edilmişdir.
Şəhid əsgər Nəsibov Hüseyn Goranboy rayonu Balakürd kənd Şəhidlər Xiyabanında dəfn edilmişdir.
