Dünyanın bir çox yerlərində “Balzak yaşı”, “40 yaş sindromu” adlanan bu yaş dövrü istər qadınlarda, istərsə də kişilərdə müəyyən mənada narahatlıqlar yaradır. Ümumiyyətlə 40 yaşdan sonra insan orqanizmi üçün hansı risklər var? Bu yaş qrupunda olan insanlar sağlamlıqlarına necə diqqət etməli və özlərini nələrə hazırlamalıdır?
Bu mövzu ilə bağlı həkim – terapevt Aygün Sayılova bildirib ki, “Balzak yaşı” ifadəsi artıq öz aktuallığını itiribdir. Çünki bu ifadə o zaman işlədilirdi ki, insanlar 40 yaşlarında indiki insanlardan daha yaşlı görünürdülər. İndiki dövrdə isə həm kişilər həm də qadınlar 40 yaşlarında beləçox gənc görünürlər. Bir çox insanlar idmanlar məşğul olurlar. Qadınlar və kişilər arasında estetik müdaxilələrə də maraq çoxdur.
Əgər bir insan xarici görünüşcə sağlam görünürsə və sağlamdırsa bu onun daxilinə də təsir edir. Ümumilikdə isə sağlamlıq anlayışı olduqca geniş bir məhfumdur. Sağlam qalmaq üçün nəinki 40 yaşda ümumiyyətlə 40 yaşa qədər də insan öz sağlıqlı həyatına diqqət etməlidir. Uşaq yaşlarından, təxminən 10 yaşlarından etibarən zərərli qidalar qəbul edən şəxslər artıq 30 yaşlarında artıq çəkidən əziyyət çəkirlər. Daha sonra hərəkət etməkdə çətinlikləri olur və ümumi sağlıqlarında problemlər yaranır. Bəzən insanların aqressiv olmalarına da səbəb onların düzgün qidalanmamasıdır.
Həkim həmçinin onu da bildirib ki, xüsusilə uşaq yaşlarından mümkün qədər sağlam qidalanmaq çox önəmlidir. Əsasən uşaqlar meyvə-tərəvəzlərdən daha çox istifadə etməlidirlər. Bundan başqa 40 yaşı tamam olan şəxslərin hər biri üçün tibbi müayinədən keçmək vacibdir.
Aygün Sayılova vurğulayıb ki, asan əldə olunan şəkəri ümumiyyətlə qida rasionundan çıxartmaq lazımdır. Duzdan isə mümkün qədər çox az istifadə olunmalıdır. Qida zamanı duzdan çox istifadə etmək təzyiq xəstəliyinə gətirib çıxara bilər.
“Ən effektli və ən münasib fiziki aktivliklərdən biri də təmiz havada piyada gəzməkdir. Gün ərzində minimum 2 saat piyada gəzmək vacibdir. Eyni zamanda da çox mühüm faktorlardan biri də yuxu rejminə düzgün riayət etməkdir. Yetkin insanlar gün ərzində ən azı 8 saat yatmalıdır. Hətta bir neçə saat artıq yatmağın da insan orqanizmi üçün faydası var”,-deyə həkim əlavə edib.
Respublikainfo.com
Baş redaktor: Bünyamin Bünyadzadə
