16 saylı Yasamal ikinci seçki dairəsindən deputatlığa namizəd, Azərbaycan Biznes Partnyorları Klubunun (BPC) İdarə Heyətinin sədri Gülpəri Bayramovanın gənclərlə görüş keçirib.
Deputatlığa namizəd platforması və gələcək planları ilə bağlı gəncləri məlumatlandırıb. O qeyd edib ki, gənclərin məşğulluq və karyera inkişafı, təhsil imkanlarının artırılması onun əsas hədəflərindən biridir: “Seçki platformamın əsas istiqamətlərindən biri də gənclərlə bağlıdır. Yasamal Təhsil Fondu, Yasamal Karyera Mərkəzi və “Təbiəti qoruyaq” layihələri gəncliyin təhsil haqlarının ödənilməsi, məşğulluq və kareyra imkanlarının artırılması məqsədinə xidmət edir. Bunlar çox mütərəqqi təşəbbüslərdir və deputat seçiləcəyim təqdirdə iş adamları ilə birlikdə bu missiyanı həyata keçirəcəyik. Eyni zamanda gənclər arasında qarşılıqlı və faydalı təmasların genişləndirilməsi, COP29 öncəsi və sonra təbiətə qayğı, ətraf mühitin qorunması naminə könüllü fəaliyyət də prioritet istiqamətimiz olacaq”.
Gülpəri Bayramova keçmiş fəaliyyətindən də bəhs edib: “Ali məktəbin ilk illərindən çalışıram. Əslində buna məcbur idim. Çünki təhsil haqqını ödəməkdə çətinlik çəkirdim. İlkin dövrlərdə haradan və necə başlayacağımı da bilmirdim. Amma inanırdım və bu inamım sayəsində “Agromix” şirkətini ərsəyə gətirdim. Bu gün paytaxtın aparıcı supermarketlər şəbəkəsini meyvə tərəvəz məhsulları ilə təhciz edirik. Ölkəmizin nüfuzlu iş adamları ilə birlikdə təsis etdiyimiz və rəhbəri olduğum Azərbaycan Biznes Partnyorları Klubunda (BPC) 100-dən artıq şirkət kollektiv şəkildə təmsil olunur. BPC-nin missiyası iş adamları arasında həmrəyliyin artırılması, lobbiçilik və “Made in Azerbaijan” brendinin təşviqidir. 10-da artıq ölkəyə İş adamlarımızın səfərlərini təşkill etmiş və xarici tərəfdaşlarla biznes ortaqlıqlarına nail olmuşuq”.
Görüş dialoq formatında davam edib və gənclər deputatlığa namizəd Gülpəri Bayramovaya suallarını ünvanlayıblar.
Qeyd edək ki, 29 yaşlı deputatlığa namizəd Azərbaycan Biznes Partnyorları Klubunun (BPC) İdarə Heyətinin sədridir. Rəhbəri olduğu qurumda ölkəmizin nüfuzlu iş adamları və 100-dən artıq şirkət kollektiv şəkildə təmsil olunur. Əsas fəaliyyət istiqaməti “Made in Azerbaijan” brendinin təşviqi olan BPC azərbaycanlı sahibkarların Birləşmiş Ərəb Əmirlikləri, Səudiyyə Ərəbistanı, Küveyt, Qətər, Çin və digər ölkələrə səfərlərini təşkil edərək, biznes tərəfdaşları ilə anlaşma müqavilələri imzalamasına nail olub. Səudiyyə Ərəbistanının, Küveytin, İordaniyanın, Meksikanın, İraqın və Qətərin Azərbaycandakı diplomatik korpuslarında səfirlərlə azərbaycanlı sahibkarların görüşünü təşkil edib.
Azərbaycanın dövlət qurumları, vətəndaş cəmiyyəti insitutları, biznes təşkilatları və kütləvi informasiya vasitələri ilə qarşılıqlı əməkdaşlıq müqavilələri əsasında fəaliyyət göstərən Gülpəri Bayramova Azərbaycan Respublikası Prezidentinin Fərmanı ilə yaradılmış Kiçik və Orta Biznesin İnkişafı Agentliyi (KOBİA) tərəfindən 2022-ci ildə “İlin uğurlu sahibkarı” nominasiyası üzrə təltif edilib. Mükafat mərasimində Azərbaycan Respublikasının İqtisadiyyat naziri Mikayıl Cabbarov və yüksək rütbəli dövlət rəsmiləri iştirak edib. “Made in Azerbaijan” brendinin təşviqindəki xidmətlərinə görə, müxtəlif beynəlxalq mükafatlara layiq görülüb. Kənd təsərrüfatı eksperti olaraq aqrar sektorun inkişafı ilə bağlı mətbuatda yüzlərlə məqaləsi dərc olunub. Kənd təsərrüfatı naziri və nazirlik rəsmiləri ilə görüşündə səmərələşdirici təkliflərini təqdim edib.
Respublikainfo.com
