COP29 ərəfəsində ölkəmizdə gedən Beynəlxalq tədbirlər davam edir.
Bu münasibətlə Media Tədris Mərkəzinin müəllim tələbə kollektivi, “Bugün TV Media Qurumu”nun əməkdaşları, “Aristokrat Club”un və “Əkinçi” Təhsil, Ekologiya və Sosial Tərəqqi Naminə İctimai Birliyinin üzvlərfii birgə Sanqaçalın Əzimkənd qəsəbəsində ağacəkmə aksiyası keçirib.
Respublikainfo.com xəbər verir ki, Bugun.tv saytının dəstəyi ilə çəkiliş çox uğurla baş tutub.
“Media Tədris Mərkəzi”nin və “Bu gün TV Media Qurumu”nun rəhbəri Elnarə Dərziyeva müsahibəsində öz komanda heyyəti ilə Sağlam Ekologiya naminə “Hərəyə bir yox iki ağac əkək” şüarı ilə tövhə verdiyini bildirib.
Əməkdar jurnalist hər kəsi bu gözəl addıma qoşulmağa dəvət edib və iştirakçılara bu yolda uğurlar arzulayıb.
Həmçinin aksiya zamanı “Aristokrat Club”ın təsisçiləri Abidin Həşimov və Elməddin Məmmədov Bugun.tv saytına müsahibə veriblər.
“Bu gün COP29 ərəfəsində Sanqaçalda 200 şam ağacı əkdik. Ətrafı təmizlədik. Biz tez-tez bu cür töhfələrimizlə gələcək nəsillərə yeni sağlam dünya vermək niyyətindəyik”, – deyən Elməddin Məmmədov həmçinin növbəti ayda da “Hər birimiz 1 ağac əkək” aksiyasına vətəndaşlarımızı iştirak etməyə səsləyib.
Sözügedən bu ağacəkmə aksiyasında Əzimkənd qəsəbəsinin sakinləri, əsasən də azyaşlıları yaxından, fəal iştirak etdilər.
Eyni zamanda qeyd edək ki, “Əkinçi” TESTN İctimai Birliyi “El bir olsa” şüarı ilə aksiyaya dəstək göstərib. Birliyinin rəhbəri Emin Hacısoy çıxışında ölkəmizdə keçirilən COP29-la bağlı fəaliyyətlərindən danışıb. O “El bir olsa” şüarı ilə ölkəmizə xidmət etdiyi üçün qürur hissi keçirdiyini bildirib.
