Respublikainfo.com Azərbaycan Respublikası Prezidentinin köməkçisi Anar Ələkbərov haqqında qısa məlumatı diqqətinizə çatdırır:
Anar Sahib oğlu Ələkbərov, 1998-ci ildə Bakıda Qərb Universitetinin Beynəlxalq menecment ixtisası üzrə bakalavr pilləsini bitirib. 2001-ci ildə Bakıda Qərb Universitetinin Beynəlxalq iqtisadi münasibətlər ixtisası üzrə magistr dərəcəsinə yiyələnib.
Anar Ələkbərov 2008-ci ildən Heydər Əliyev Fondunun, 2012-ci ildən isə Heydər Əliyev Mərkəzinin icraçı direktoru vəzifəsində çalışıb.
2013-cü ildə Fransanın “İncəsənət və ədəbiyyat ordeni” ilə təltif edilib. Anar Ələkbərov 21 fevral 2014-cü ildə Azərbaycan Avtomobil İdman Növləri Federasiyasının prezidenti seçilib.
2014-cü ildən Azərbaycan Avtomobil İdman Növləri Federasiyası prezidenti vəzifəsində çalışır.
2014-cü ildə Azərbaycan və Macarıstan arasında əlaqələrin genişləndirilməsində və bu ölkədə mədəni-humanitar layihələrin həyata keçirilməsindəki xidmətlərinə görə Macarıstanın dövlət mükafatı – “Komandor xaç” ordeni ilə təltif edilib.
2014-cü ildə “Mehriban Əliyeva – xeyirxahlıq və ümid mücəssəməsi” adlı məqaləsi və “Mehriban” adlı kitabı çap edilib. “Milan Expo 2015” ümumdünya sərgisində Azərbaycan nümayəndə heyətinin sədri olub.
2017-ci ildə Azərbaycanın I vitse-prezidenti Mehriban Əliyevanın köməkçisi təyin olunub. 2019-cu ildə Azərbaycan Respublikası Prezidentinin köməkçisi təyin edilib.
Respublikainfo.com Media Qrupu olaraq
ad gününüzü təbrik edirik, dəyərli Anar Ələkbərov!
Qeyd edək ki, Anar Sahib oğlu Ələkbərov — Azərbaycan Respublikası Prezidentinin köməkçisi, Heydər Əliyev Mərkəzinin direktoru, Heydər Əliyev Fondunun icraçı direktoru, Azərbaycan Avtomobil Federasiyasının prezidenti, həmçinin də Azərbaycan Respublikasının Prezidentinin köməkçisi vəzifələrini icra edir.
Baş redaktor: Bünyamin Çingizoğlu
Respublikainfo.com
