Təcrübəyə əsasən avtomobil bazarında maşınlara tələbat əsasən yayın əvvəli və yayın sonu, sentyabrın əvvəli yaranır. Artıq sentyabr ayının ilk ongünlüyü arxada qaldı. Bəs avtomobil bazarında son vəziyyət necədir? Bahalaşma varmı?
Mövzu ilə bağlı nəqliyyat məsələləri üzrə eskpert Aslan Əsədov Referans-a açıqlamasında bildirib ki, avtomobil bazarında bahalaşmanı hər hansı bir mövsümi bahalaşma kimi qəbul etmək olmaz. Bunu adətən ona görə edirlər ki, sezonun əvvəli və sonu bəzi insanlar öz nəqliyyat vasitəsini dəyişmək, almaq, satmaq kimi yeni fikirlərə düşürlər. Amma bu həvəs də az bir müddətdə özündə əks etdirir. Çünki artıq sentyabrdan sonra qış mövsümü başlayır və hər kəs əlində olan nəqliyyat vasitəsindən necə deyərlər faydalanmağa çalışır. Artıq onun qış təkərləri, qış qulluğu və s. olduğu üçün nəqliyyat vasitəsinin dəyişilməsinə, onun istismarına elə də önəm vermirlər.
Ekspert bildirib ki, Azərbaycanda bu nəqliyyat vasitələri həmişə oduğu kimi maraq dairəsindədir. Bu sahədə bahalaşmanın səbəbi birbaşa bu sahədə gömrük rüsumları və digər məqamlarla bağlıdır. Əgər gömrük rüsumlarında güzəştlər olarsa, dövlətin aidiyyəti qurumları bu sahədə yeniləşməyə təkan verəcək yeni və həvəsləndirici addımlar atılarsa bu aspektdə məsələnin həllinə çalışmaq olar. Yəni əslində bahalaşmanın olması da realdır. Bahalaşma isə 10 və ya 20 günlük müddətində olmur.
“Bundan əlavə artıq ölkəyə 2-ci əl avtomobillərin gətirilməsi də aktualdır. Eyni zamanda da Çindən gətirilən avtomobillər artıq bizim bazarda tanınır. Beləliklə bu kimi faktlara görə bahalaşmanın olacağı ehtimalı azdır”, – deyə ekspert qeyd edib.
Şahverdiyeva Elena
