Sürətli dəyişikliklərin və inkişafın hökm sürdüyü müasir dünyada ayaqda qalmağın yeganə yolu dəyişikliklərə uyğunlaşmaq, yəni yenilənməkdir. Lakin yenilənmə anlayışı geniş və ciddi bir proses olduğundan, sadəcə bunu istəmək kifayət etmir. Əksər hallarda ilk addımı atmaq və düzgün yol xəritəsi qurmaq çətin olur.
Cəmiyyətdə yeniliklərin əsas hərəkətverici qüvvələrindən biri olan qadınlar, üzərlərinə düşən məsuliyyətləri layiqincə yerinə yetirmək və övladlarını yeni dövrün tələblərinə uyğun yetişdirmək üçün ilk növbədə öz üzərlərində çalışmalı, özlərini inkişaf etdirməlidirlər.
Respublikainfo.com xəbər verir ki, bütün bunları nəzərə alaraq, 1 mart tarixində artıq ikinci dəfə “YeniSƏN” adlı Qadınların Şəxsi İnkişaf Forumu keçiriləcək.
Forumun əsas məqsədi iştirakçı xanımları ölkədə öz sahələrində uğur qazanmış peşəkar mütəxəssislərlə bir araya gətirmək, onların sağlam qidalanma, erkən yaşlanmanın qarşısının alınması, övlad tərbiyəsi, düzgün karyera planlaması, az büdcə ilə keyfiyyətli təhsil imkanları, eləcə də hüquq, psixologiya və maliyyə sahələrində biliklərini artırmaqdır.
Layihə çərçivəsində, mütəxəssislərlə yanaşı, uğurlu biznes sahibi olan xanımlar da öz təcrübələrini iştirakçılarla bölüşəcəklər. Tədbir zamanı iştirakçıları maraqlı çıxışlar, sürprizlər, hədiyyələr və zəngin məlumat axını gözləyir.
Qeyd edək ki, forum Təhsil və Maarifləndirmə sektorunda fəaliyyət göstərən “World” Karyera və Peşə Mərkəzi və “Ömür Dent” diş klinikası tərəfindən təşkil olunur.
Tədbirdə öz brendini geniş auditoriyaya tanıtmaq istəyən şirkətlər, eləcə də bilet alaraq iştirak etmək arzusunda olan şəxslər aşağıdakı əlaqə nömrəsi ilə əlaqə saxlaya bilərlər:
📞 055 674 72 30 (WhatsApp)
Fotoşəkillərdə əvvəlki tədbirdən görüntülər əks olunub.
